Friday, May 12, 2006
பிக்னிக் மிக்சர்
தேவையானவை:
ஜவ்வரிசி 2 கப், அவல் அரை கப், பொட்டுக்கடலை அரை கப், நிலக்கடலை அரை கப், முந்திரிப்பருப்பு 15, உலர் திராட்சை 10, கறிவேப்பிலை சிறிது, மிளகாய்தூள் அரை டீஸ்பூன், உப்பு தேவையான அளவு, எண்ணெய் பொரிக்க.
செய்முறை:
ஜவ்வரிசியை எண்ணெயில் பொரித்து எடுக்கவும். அவலையும் எண்ணெயில் பொரித்தெடுக்கவும். முந்திரிப்பருப்பு, உலர் திராட்சையை எண்ணெயில் பொரித்து, கறிவேப்பிலையையும் பொரித்துக்கொள்ளவும். நிலக்கடலை, பொட்டுக்கடலையை வெறும் சூடான வாணலியில் போட்டு, சூடு வரும்வரை கிளறி எடுக்கவும். எல்லாவற்றையும் ஒரு பாத்திரத்தில் போட்டு, உப்பு, மிளகாய்தூள் போட்டுக் கலந்துவைத்தால் சுவையான ‘பிக்னிக் மிக்சர்’ ரெடி. பாலித்தீன் பையில் பேக் செய்து, எடுத்துச் செல்லலாம். பசிக்கும்போது கொறிக்கலாம்.
